Situo de la Stadiono de la Beaujoire kaj de la Sporta centro José-Arribas rilate al la urbo Nanto.
La Futbala Klubo de Nanto (france Football Club de Nantes, mallongigita FC Nantes aŭ FCN) estas franca klubo de futbalo, fondita en Nanto en 1943 fare de Marcel Saupin kaj bazita en "La Jonelière" sur la komunumo La Chapelle-sur-Erdre, nord-oriente de la nanta aglomeraĵo. Deveninta de la fandado de malsamaj nantaj kluboj en la celo integri la eliton de la franca futbalo, la FCN havas ok titolojn de ĉampiono de Francio kaj tri pokalojn de Francio, kio estas unu el la plej belaj premiolistoj de la franca futbalo.
La premiolisto de la Futbalo Klubo de Nanto estas la tria de Francio en nombro de titoloj de ĉampiono de Francio (8), malantaŭ AS Saint-Étienne kun 10 titoloj kaj Olympique de Marseille kun 9 titoloj, egalrange kun AS Monaco kaj Paris-Saint-Germain, kaj antaŭ Olympique Lyonnais, kiu havas sep titolojn. Aldonindas tri pokaloj de Francio, por kvin finaloj malvenkitaj. Al Nanto mankis la duopo pokalo-ĉampionado trifoje, malvenkinte la finalojn de 1966, 1973 kaj 1983. La FCN ankaŭ venkis en la Pokalo de la Ligo en 1965, kaj en tri trofekonkursoj aŭ trofeoj de la Ĉampionoj.
La koloroj de la klubo estas ekde ĉiam la flava kaj la verda kiuj estas la koloroj de la kazako kiun surmetis la ĵokeoj de la ĉevalejo de kurĉevaloj (unu el tiuj preskaŭ ĉiam venkis kaj ĝi nomiĝis "Ali Pacha") posedita de unu el la fondintoj de la klubo, Jean Le Guillou. Ĉi tiu konvinkis liajn amikojn ke la flava kaj la verda estus garantiaĵo de sukceso por la estonteco de la nova klubo.[1][2]
Tiuj koloroj donis al la nantaj ludantoj la kromnomon de « kanarioj », kiu venas de Norwich City, klubo kun la samaj koloroj, de kiu la kanario estas la emblemo ekde la komenco de la 20a jarcento por kialoj ligitaj al la historio de la urbo.[3] Pluraj teamoj uzante samajn aŭ proksimajn kolorojn ankaŭ uzas tiun kromnomon, kiel JS Kabylie aŭ la turkoj de Fenerbahçe[4].
